1.     Cyflwyniad ac ymddiheuriadau

2.     Cyfarfod Cyffredinol Blynyddol

• Cafodd Darren Millar AS ei ailethol yn unfrydol yn Gadeirydd.

• Cafodd Alun Davies AS ei ailethol yn unfrydol yn Is-gadeirydd.

• Cafodd Curtis Shea ei ailethol yn unfrydol yn Ysgrifennydd.

3.     Y wybodaeth ddiweddaraf

• Diolchodd y Cadeirydd y Brigadydd Jock Fraser yn dilyn ymweliad Cynllun Lluoedd Arfog y Senedd â chyfleuster y Llynges Frenhinol yn Nhalybont. Diolchodd y Brigadydd Jock Fraser i'r aelodau a fu ar yr ymweliad a nododd fod yr hyfforddwyr yn y cyfleuster yn ddiolchgar eu bod wedi rhoi o’u hamser i fynd yno.

• Rhoddodd y Cadeirydd deyrnged i Janet a Cerys sy’n gadael tîm y lluoedd Arfog yn Llywodraeth Cymru.

4.     Blaenraglen waith

• Rhoddodd y Cadeirydd wybod i'r grŵp fod pwyllgor gwaith y Grŵp Trawsbleidiol wedi cyfarfod a chytuno ar flaenraglen waith i lywio gwaith y grŵp tan fis Mai 2026.

• Anogwyd yr aelodau i roi adborth ar y rhaglen drwy gysylltu ag Ysgrifennydd y grŵp.

5.     Cyflwyniad a sesiwn holi ac ateb gyda'r Cyrnol James Phillips, Comisiynydd Cyn-filwyr Cymru (y Comisiynydd)

• Croesawodd y Cadeirydd y Comisiynydd i'r cyfarfod gan ddiolch iddo am ddod i siarad â'r grŵp.

• Siaradodd y Cyrnol James Phillips am ei gefndir a’r gwaith yr oedd wedi bod yn ei wneud yn y chwe wythnos y bu’n cyflawni’r rôl.

• Diolchodd y Comisiynydd Lywodraeth Cymru am weithio gydag ef, gan groesawu perthynas waith gynnes. Hefyd, diolchodd Gymuned ehangach y Lluoedd Arfog yng Nghymru sydd wedi bod yn groesawgar.

• Defnyddir y 100 diwrnod cyntaf yn y swydd fel cyfnod canfod ffeithiau. Hyd yn hyn, nodwyd materion ynghylch gwasanaethau pontio. 

• Atebodd y Comisiynydd gwestiynau am gefnogi awdurdodau lleol i gyrraedd safon 'Aur' Cyfamod y Lluoedd Arfog, a chydweithio â Llywodraeth Cymru a Gweinidogion.

6.     Diweddariad gan Millie Taylor, SSCE Cymru

• Rhoddodd Millie Taylor ddiweddariad i’r grŵp ar y prosiect Ysgolion sy’n Cefnogi'r Lluoedd Arfog. Nod y prosiect yw creu amgylchedd cadarnhaol i blant y Lluoedd Arfog rannu eu profiad ac annog ysgolion i ymwneud yn fwy â chymuned y Lluoedd Arfog.

• Bydd y prosiect yn annog ysgolion i ddewis hyrwyddwyr ar gyfer plant y Lluoedd Arfog o blith y disgyblion, datblygu dealltwriaeth o anghenion unigryw plant y Lluoedd Arfog ac ymgysylltu ag SSCE Cymru a Chymuned y Lluoedd Arfog. Mae tair lefel o wobr ar gael, sef Efydd, Arian ac Aur.

• Mae 10 o ysgolion eisoes wedi gwneud cais am y wobr, a gwelwyd cryn amrywiaeth o ran nifer y disgyblion sy’n blant y Lluoedd Arfog. Mae lefel yr ymgysylltiad wedi bod yn galonogol.

• Cytunwyd i ychwanegu addysg fel pwnc at flaenraglen waith y grŵp.

7.     Unrhyw fater arall

• Diolchodd Darren bawb a oedd yn bresennol a dywedodd ei fod yn edrych ymlaen at gydweithio â'r grŵp wrth symud ymlaen.

• Rhannwyd dyddiadau cyfarfodydd yn y dyfodol â'r grŵp.